Ba mhaith liom fáilte mhór a chur romhat chuig suíomh úr Ghaelscoil Choláiste Mhuire. Molaim do thuismitheoirí cuairt a thabhairt ar an suíomh go minic. Bíonn eolas, fógraí agus grianghrafanna á gcur air ó am go chéile. Tá súil agam go bhfaighidh cuairteoirí an tsuímh seo blaiseadh de shaol ár scoile. Is Gaelscoil thumoideachais, Chaitliceach sinn a úsáideann an Ghaeilge mar sprioctheanga. Táimid uilig an-bhródúil as ár dteanga dhúchasach. Is cuid dár n-oidhreacht í. Mar a deir an seanfhocal: “Beatha Teanga í a Labhairt”. Is í aidhm na foirne anseo oideachas ardchaighdeánach a chur ar fáil trí mheán na Gaeilge i dtimpeallacht shona, chairdiúil agus chuimsitheach.
Ba mhaith liom mo bhuíochas a ghabháil le múinteoirí na scoile as an obair dhíograiseach a bhíonn ar siúl le linn agus i ndiaidh am scoile. Bíonn an doras i gcónaí oscailte anseo i nGaelscoil Choláiste Mhuire agus ba bhreá liom dá mbeadh tuismitheoirí páirteach i saol scoile a bpáistí.
Is mise le meas,
Pól Hansard
